Viðskiptaferðir.is - Heimurinn bíður eftir þér

Arðbærari ferðalög

Viðskiptaferðir.is hjálpar ferðalöngum að skipuleggja ferðalögin sjálfir og finna hagstæðustu verðin á hótelgistingu, bílaleigubílum, flugmiðum, kortum og ferðabókum, farangurstöskum og fleiru. Hagsýnt viðskiptafólk (sem á einhverra hluta vegna samt ekki einkaþotu) veit að það er engin ástæða til að vera að borga of mikið fyrir ferðalagið. Gakktu frá bókununum hér, milliliðalaust, og fáðu bestu verðin á netinu.

Ofurhuginn og línudansarinn Andy Lewis sem sló í gegn í Superbowl

 

Þeir sem horfðu á Superbowl tóku eflaust eftir atriðinu með Madonnu þar sem magnaður línudansari sýndi ótrúlega takta á línunni í atriðinu hennar. Margir hafa verið að velta fyrir sér hver þetta hafi verið. Hann heitir Andy Lewis og svo virðist vera sem það vanti í hann lofthræðslugenið. Hér er myndband af honum við æfingar, meðal annars í Grand Canyon.

 

 

Hjörtur

Ódýrir bílaleigubílar erlendis - ný öflugri leitarvél

 

Vidskiptaferdir.is hefur gert samning við rentalcars.com, eina stærstu bílaleigumiðlun í heimi og getum við nú boðið upp á gríðarlega öfluga leitarvél fyrir bílaleigubíla erlendis á íslensku. Leitarvélin leitar að bílaleigubílum hjá erlendum bílaleigum í nánast hvaða landi sem er í heiminum. Leitarvélin finnur bestu verðin á hverjum stað á hverjum tíma og ábyrgist lægstu verðin! Almennt eru verðin um 15% lægri en það sem býðst annars staðar.

Allir bílaleigubílarnir eru samt sem áður frá viðurkenndum alþjóðlegum bílaleigum eins og Alamo, Avis, Budget, Dollar, Europcar, Hertz, National, Sixt og Thrifty.

 

Prófið leitarvélina og gerið verðsamanburð! 

Ódýrir bílaleigubílar á netinu!

Hjörtur

 

ps. fyrir ódýra bílaleigubíla innanlands, skoðið sadcars.com. 

Hitti egypska herinn. Það þýddi nokkur spor.

 

Margir hugsa sig tvisvar um hvort þeir eigi að halda til Egyptalands eins og ástandið er þar í dag. En hvernig er ástandið í Egyptalandi í dag?

 

Ég fékk þetta myndband frá ferðamanni í Luxor sem rakst á egypska herinn á miðvikudaginn:

 

Aðeins annað en það sem við sjáum í fjölmiðlum. Þar sjáum við myndir af blóðugum átökum á götum Alexandríu og á Tahrir torgi í Kaíró. Þetta eru vissulega fjölmenn átök, enda gríðarlega þýðingarmikil fyrir þjóðina á þeim umbrotatímum sem hún er að ganga í gegnum. En þau eiga sér stað á mjög einangruðum stöðum sem auðvelt er að forðast. Ferðamenn eru jafn öruggir annars staðar í Egyptalandi og vanalega og ef eitthvað, er betri tími til að fara til Egyptalands en oft áður þar sem hægt er að fá góða díla þessa dagana!

Hjörtur

Gangan langa - skegg og ganga í eitt ár

Cristoph Rehage ákvað að ganga frá Peking og heim til Þýskalands. Hann komst aldrei alla leið, en gekk í heilt ár og var kominn til Urumqi, næstum 5.000 km leið sem lá meðal annars yfir Gobi eyðimörkinni.

Hann ákvað að skerða hvorki hár né skegg allan tímann og í myndbandinum fylgjumst við með honum og skeggvextinum á leiðinni. Myndbandið hefur unnið til fjölda verðlauna á heimildamyndahátíðum.

 

Í myndbandinu má sjá Cristoph stundum í flugvél eða bíl en um er að ræða frí frá göngunni sem hann þurfti að taka sér, meðal annars til að ganga frá VISA málum í Peking. Sjálfa gönguleiðina gekk hann alla. Cristoph er með heimasíðu sem heitir TheLongestWay.com þar sem ferðasagan er rakin ýtarlega.

Hvað ferðalög bíða þín næsta árið?

Hjörtur

Lausn við myndagátu 15

Kremlin
Originally uploaded by mieszko.stanislawski

Myndina tók Mieszko Stanislawsky í Kreml í Moskvu. Samkvæmt klukkunni á turninum í bakgrunni er klukkan 10 mínútur yfir 12 að staðartíma í Moskvu. Miðað við klæðaburðinn erum við að tala um sumartíma og þá er tímamismunurinn á Íslandi og Moskvu fjórir tímar. Klukkan er því 10 mínútur yfir átta á Íslandi þegar myndir er tekin.

Hjörtur

Magnaður götulistamaður spilar á vínglös

Þeir eru margir forvitnilegir götulistamennirnir sem maður rekst á í borgum heimsins. Þessi hæfileikaríki tónlistarmaður var á torgi í Bratislava í Slóvakíu og spilaði þar tónverk á vínglös sem voru hálffyllt vatni. 

 

Hjörtur
(via Visit Bratislava) 

 

ps. Fylgist með á Facebook til að fá skemmtilegar sögur, leiki og góð tilboð :)

Þetta hótel er bara rusl!

Á torginu Plaza de Callao í Madrid á Spáni hefur risið nýstárlegt 5 herbergja hótel og annað eins rusl hótel hefur ekki sést í hótelbransanum. Þetta er hótel sem vakið hefur mikla athygli en þó dregið að sér fá viðskiptavini, enda það í raun ekki tilgangurinn. Hótelið er búið til úr rusli og kallast "Beach Garbage Hotel".

Hótelið er innsetning eftir þýska listamanninn Ha Schultz og er markmiðið að vekja athygli á öllu því magni af rusli sem berst á haf út frá ströndunum. Hráefnið í smíði hótelsins er 12 tonn af rusli sem safnað var á ströndum Ítalíu, Spánar, Frakklands og Belgíu. Hótelinu er einungis ætlað að standa á meðan alþjóðleg ferðaráðstefna stendur yfir í Madrid og því engin ástæða til að slást um herbergin. 

     

 

 

 

Hjörtur

 

ps. Fylgist með á Facebook til að fá skemmtilegar sögur, leiki og góð ferðatilboð :)

Mánudagsmyndin: Myndagáta 15

Það er orðið svolítið langt síðan við vorum síðast með mánudagsmyndagetraun en hér kemur ein ný.

Spurningin að þessu sinni er ekki aðeins hvar myndin sé tekin, heldur hvað klukkan sé á Íslandi þegar hún er tekin ;)

Hjörtur Smárason

ps. Smelltu á "like" á Facebook og fáðu skemmtilegar sögur, leiki og góð ferðatilboð :)

Tvær sætar stelpur gera landamæravörslu Bandaríkjanna að engu

Ólöglegir innflytjendur eru Bandaríkjamönnum mikill hausverkur og hefur ríkisstjórnin því gripið til sinna ráð. Lausnin sem þeir töldu vænlegast var að reisa háa girðingu eftir öllum landamærunum - svona sína útgáfu af Kínamúrnum.

Tvær ungar stúlkur ákváðu að kanna hversu góð vörn þessi girðing væri og hér er útkoman:

 

Þessi girðing hefur kostað yfir 4 milljónir dollara nú þegar og er ætlað að hún muni kosta 6,5 milljónir dollara til viðbótar á næstu 20 árum. 

Það hefur sjaldnast verið varanleg lausn að reisa múra. Það sem þessar stúlkur eru að reyna að gera er að vekja athygli á því að kannski séu til betri lausnir á vandanum en að reisa múr og þær spyrja sig hvort hverjum dollar væri ekki betur varið í fjárfestingar sunnan landamæranna til að minnka fátækt og minnka ásóknina í að komast yfir.

 

Hér er hægt að fræðast meira um "The other SIde Of Immigration" verkefnið.

Með ósk um farsæla og löglega landamæraþverun :)

Hjörtur

Ökuferð í arabísku eyðimörkinni

Johnny Jet fór í ökuferð á dögunum í The Empty Box, gróðursnauðri eyðimörk í Sameinuðu arabísku furstadæmunum. Þar er að finna allt að 300 metra háar sandöldur sem býður óneitanlega upp á skemmtilegan sandakstur. Hér er myndbandið úr ferðinni: 

 

Arctic Trucks gæti nú eflaust gert bílinn þeirra aðeins skemmtilegri ;)

Hjörtur